سیف اور کرینہ کا بیٹے کی پہلی سالگرہ سادگی سے منانے کا فیصلہ
18 دسمبر ، 2017
بالی وڈ اداکار سیف علی خان اور اداکارہ کرینہ کپور ننھے بیٹے تیمور علی خان کی سالگرہ ’پٹودی پیلس‘ میں منانے محل پہنچ گئے ہیں۔
سیف علی خان اور کرینہ کپور کے بیٹے تیمور علی خان پیدائش کے بعد سے ہی شہ سرخیوں میں ہیں۔
اب تیمور علی خان کی 20 دسمبر کو پہلی سالگرہ منائی جائے گی جسے پٹودی خاندان نے اپنی محل نما حویلی میں منانے کا فیصلہ کیا ہے۔
اداکارہ کرینہ کپور اور سیف علی خان سمیت کئی خاندان کے افراد سالگرہ کی تقریب میں شرکت کے لیے بھارتی ریاست ہریانہ میں واقع پٹودی پیلس پہنچ چکے ہیں۔
800 کروڑ مالیت کی حویلی میں ننھے تیمور کی سالگرہ کی تیاریاں زور و شور سے جاری ہیں لیکن کرینہ کپور کے دادا ششی کپور کے انتقال کے باعث تقریب سادگی سے منعقد کی جائے گی۔
دوسری جانب کرینہ کپور کی بہن کرشمہ کپور نے بھی انسٹاگرام پر پٹودی پیلس میں تیمور کی سالگرہ کی تیاریوں کی تصاویر پوسٹ کی ہیں جس میں محل میں ہونے والی تیاریاں دیکھی جاسکتی ہیں۔
سالگرہ کی تقریب میں ملائکہ اروڑہ، کرن جوہر، امریتا اروڑہ سمیت کئی ستارے شریک ہوں گے۔
