11 مارچ ، 2018 
پی ایس ایل انتظامیہ کا اپنی ٹی10 لیگ پاکستان میں کروانے پر غور
11 مارچ ، 2018
دبئی: پاکستان سپر لیگ کی انتظامیہ اپنی ٹی ٹین لیگ کروانے پر غور کررہی ہے جس کا انعقاد پاکستان میں کیا جائے گا۔
ذرائع نے جیو نیوز کو بتایا کہ رواں سال ستمبر میں پی ایس ایل ٹی ٹین کروانے کے حوالے سے غور کررہی ہے جس کا انعقاد پاکستان میں ہوگا۔
دبئی میں پاکستان کرکٹ بورڈ کے چیئرمین نجم سیٹھی اور فرنچائز مالکان کے درمیان ہونے والی ملاقات میں دس، دس اوورز کی لیگ پاکستان میں کرانے پر اصولی اتفاق کیا گیا ہے۔
ذرائع کا کہنا تھا کہ اگر معاملات طے ہوگئے تو ستمبر میں ٹی ٹین پی ایس ایل کرائی جائے گی۔
لیگ میں موجودہ پی ایس ایل کی 6 ٹیمیں ہی حصہ لیں گی تاہم کھلاڑیوں کے انتخاب کے لیے الگ ڈرافٹنگ کا انعقاد کیا جائے گا۔
خیال رہے کہ گزشتہ سال کے اختتام پر متحدہ عرب امارات میں ہی ایک ٹی10 لیگ کا انعقاد کیا گیا تھا جس میں پاکستان کے صف اول کے کھلاڑیوں نے حصہ لیا تھا۔
مزید خبریں :
اظہر علی کو پی سی بی میں اہم عہدہ مل گیا
22 نومبر ، 2024
