Can't connect right now! retry

کھیل
16 مئی ، 2018

ناکافی فنڈز کی وجہ سے ایشین گیمز کے ٹریننگ کیمپ بند

ٹریننگ کیمپ کا بند ہونا انتہائی افسوسناک ہے، سیکریٹری ریسلنگ۔ فوٹو: فائل

پاکستان اسپورٹس بورڈ نے ناکافی فنڈز کی وجہ سے ایشین گیمز کے ٹریننگ کیمپ بند کر دیے۔

ذرائع کے مطابق پاکستان اسپورٹس بورڈ نے ناکافی فنڈز کی وجہ سے ایشین گیمز کی تیاری کے لیے ریسلنگ، کراٹے اور جوڈو کے کیمپ بند کر دیے۔

ذرائع کا بتانا ہے کہ ٹریننگ کیمپ بند ہونے کے باعث کامن ویلتھ گیمز کے گولڈ میڈلسٹ انعام بٹ سمیت متعدد کھلاڑیوں میں تشویش کی لہر دوڑ گئی ہے۔

خیال رہے کہ ایشین گیمز رواں برس اگست میں انڈونیشیا کے دارالحکومت جکارتہ میں ہونے ہیں۔

سیکریٹری ریسلنگ ارشد ستار کا اس حوالے سے کہنا ہے کہ ٹریننگ کیمپ بند کرنا انتہائی افسوسناک ہے۔

ان کا کہنا ہے کہ کیمپ نہ ہونے کی وجہ سے کھلاڑیوں کی ٹریننگ بری طرح متاثر ہو رہی ہے لیکن ہمیں بتایا گیا ہے کہ جلد کیمپ شروع ہو جائیں گے۔ 

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM