25 جولائی ، 2012 
سینٹ کی قائمہ کمیٹی برائے خارجہ امور کا اجلاس
25 جولائی ، 2012
اسلام آباد…سینٹ کی قائمہ کمیٹی برائے خارجہ امور کا اجلاس پارلیمنٹ ہاوٴس اسلام آباد میں ہوا ، کمیٹی کو دفتر خارجہ کی طرف سے بیرون ملک پاکستانی مشنز کے اثاثوں پر بریفنگ دی گئی۔ عوامی نیشنل پارٹی کے راہنما سینٹر حاجی عدیل کی صدارت میں ہونے والے اجلاس میں دفتر خارجہ کے اہلکاروں نے کمیٹی ممبران کو بیرون ملک پاکستانی مشنز کے اثاثوں اور سٹاف کے زیر استعمال گاڑیوں کی تفصیلات بتائیں۔ ممبران کے استفسار پر دفتر خارجہ کی طرف سے مختلف مدوں میں پاکستانی مشنز کی آمدنی کی تفصیلات بھی بتائیں۔ وزارت خارجہ کی طرف سے کمیٹی کو دفتر خارجہ اسلام آباد اور بیرون ملک پاکستانی سفارت خانوں اور مشنز میں تعینات سفارت کاروں اور دیگر اسٹاف کی کل تعداد ، تنخواہوں اور مراعات پر بھی بریفنگ دی۔
