19 مئی ، 2018 
دنیا
دھماکے اس وقت کیے گئے جب مقامی ٹیموں کے درمیان رمضان ٹورنامنٹ کا کرکٹ میچ جاری تھا— فوٹو: اے ایف پی
افغانستان میں کرکٹ میچ کے دوران 3 دھماکے، 8 افراد ہلاک
19 مئی ، 2018
افغانستان کے شہر جلال آباد کے اسٹیڈیم میں یکے بعد دیگرے ہونے والے متعدد دھماکوں میں 8 افراد ہلاک اور 45 زخمی ہوگئے۔
افغان حکام کے مطابق دھماکے گذشتہ شب اس وقت کیے گئے جب اسٹیڈیم میں مقامی ٹیموں کے درمیان رمضان ٹورنامنٹ کا کرکٹ میچ جاری تھا۔
دھماکوں کے وقت اسٹیڈیم میں شائقین کی بڑی تعداد موجود تھی، ہلاک ہونے والوں میں میچ منتظم اور مہترلام شہر کے نائب میئر بھی شامل ہیں۔
طالبان نے دھماکوں میں ملوث ہونے سے انکار کیا ہے۔ صوبہ ننگرہار کے گورنر کے ترجمان عطاء اللہ خوگیانی نے تصدیق کی ہے کہ دھماکوں میں 8 افراد ہلاک اور 45 زخمی ہوئے۔
انہوں نے بتایا کہ یکے بعد دیگر تین دھماکے ہوئے جس کے نتیجے میں ہلاکتیں ہوئیں۔
