شاہ رخ خان کی سالگرہ پر فلم ’زیرو‘ کا ٹریلر ریلیز کیا جائے گا

ممبئی: بالی وڈ کنگ شاہ رخ خان کی نئی فلم ’زیرو‘ کا سب کو بے صبری سے انتظار ہے لیکن فلم سے پہلے اس کا ٹریلر شاہ رخ خان کی سالگرہ پر پیش کیا جائے گا۔

بھارتی نیوز سائٹ ٹائمز آف انڈیا کے مطابق ہدایت کار آنند ایل رائے کا کہنا ہے کہ فلم ’زیرو‘ کا ٹریلر آئندہ ماہ 2 نومبر کو شاہ رخ خان کی 53 ویں سالگرہ پر بطور تحفہ پیش کیا جائے گا۔

ہدایت کار کا کہنا تھا کہ فلم ’زیرو‘ کی عکس بندی انتہائی مشکل تھی لیکن اسے محنت اور لگن کے ساتھ بنا دیا گیا ہے جو کہ ٹو ڈی میں ریلیز کی جائے گی۔  

شاہ رخ کو فلم ’زیرو‘ کی علی الصبح شوٹنگ نے پریشان کردیا

جب آپ کے اردگرد موجود لوگ اتنے شاندار اور پرجوش ہوں تو ان کی شخصیت کی چمک دمک کے سامنے آنکھیں کیسے کھل سکتی ہیں، شاہ رخ خان

فلم ’زیرو‘ میں شاہ رخ خان پہلی مرتبہ بونے کا کردار ادا کر رہے ہیں جس میں ان کے ساتھ اداکارہ انوشکا شرما اور کترینہ کیف مرکزی کردار میں جلوہ گر ہوں گی۔

یاد رہے کے فلم کا ٹیزر رواں برس عیدالفطر پر پیش کیا گیا تھا جس میں سلمان خان نے کیمیو ادا کیا ہے جب کہ فلم رواں برس کے اختتام 21 دسمبر کو پیش کی جائے گی۔