15 اکتوبر ، 2018 
ابوظہبی ٹیسٹ میں پاکستان کے گیارہ کھلاڑی کون ہوں گے؟
15 اکتوبر ، 2018
شیخ زید کرکٹ اسٹیڈیم میں دوسرے ٹیسٹ کے لئے ٹم پین کی قیادت میں کھیلنے والی آسڑیلیا کی ٹیم انہی گیارہ کھلاڑیوں کیساتھ دوسرا ٹیسٹ کھیلے گی جس کے ساتھ انہوں نے دبئی ٹیسٹ ڈرا کیا تھا، البتہ پاکستان ٹیم دو تبدیلیوں کے ساتھ میدان میں اترے گی۔
انگلی میں فریکچر ہونے کے سبب امام الحق اب اسکواڈ کے ساتھ نہیں ہیں اور ٹیم مینجمنٹ نے ان کی جگہ 28سال کے جارح مزاج اوپنر فخر زمان کو تجربہ کار محمد حفیظ کے ساتھ اننگز کی شروعات کرانے کا فیصلہ کیا ہے۔
ٹیم مینیجمنٹ نے دبئی ٹیسٹ میں وکٹ سے محروم رہنے والے وہاب ریاض کو ڈراپ کر کے بائیں ہاتھ کے تیز بولر میر حمزہ کو ٹیسٹ ڈیبیو کروانے کا فیصلہ بھی کیا ہے۔
یاد رہے دبئی ٹیسٹ میں بلال آصف کو بھی ٹیسٹ ڈیبیو کروایا گیا تھا۔
ابوظہبی ٹیسٹ کے لئے پاکستان کے گیارہ کھلاڑیوں میں محمد حفیظ، فخر زمان، اظہر علی، اسد شفیق، حارث سہیل، بابر اعظم، سرفراز احمد (کپتان)، بلال آصف، یاسر شاہ، محمد عباس اور میر حمزہ شامل ہیں جب کہ شاداب خان بارہویں کھلاڑی ہوں گے۔
مزید خبریں :
پرتھ ٹیسٹ میں سنچری:کوہلی نے سر ڈون بریڈمین کو پیچھے چھوڑ دیا
25 نومبر ، 2024
رشبھ پنت آئی پی ایل کی تاریخ کے مہنگے ترین کھلاڑی بن گئے
25 نومبر ، 2024
پرتھ ٹیسٹ میں بھارت نے آسٹریلیا کو 295 رنز سے شکست دیدی
25 نومبر ، 2024
ریٹائرمنٹ یا طلاق! ویرات کوہلی کی پوسٹ پر مداح پریشان کیوں ہوئے؟
25 نومبر ، 2024
