08 فروری ، 2019
برازیل میں فٹ بال کلب کے احاطے میں لگنے والی آگ کے نتیجے میں 10 افراد ہلاک ہو گئے۔
غیر ملکی خبر ایجنسی کے مطابق برازیل کے شہر ریوڈی جنیرو کے مشہور فلیمینگو فٹ بال کلب میں اچانک آگ بھڑک اٹھی جس کی شدت اس قدر زیادہ تھی کہ جھلس کر 10 افراد ہلاک اور تین زخمی ہو گئے۔
آتشزدگی کے نتیجے میں ہلاک ہونے والوں میں ننہو ڈی اروبو کے 6 نوجوان کھلاڑی اور 4 ملازمین شامل ہیں۔
ہلاک ہونے والے کسی بھی فرد کی شناخت نہیں ہو سکی ہے تاہم متاثرین کی عمریں 14 سے 16 سال کے درمیان بتائی جا رہی ہیں۔
آگ فٹبال کلب کے احاطے میں موجود عمارت میں لگی، اس وقت عمارت میں 14 سے 17 سال کی عمر کے یوتھ کیٹیگری کے کھلاڑی موجود تھے۔
حکام کے مطابق آگ پر قابو پا کر واقعے کی تحقیقات کا آغاز کر دیا گیا ہے۔