18 مارچ ، 2019 
پاکستان
وزیراعلیٰ مراد علی شاہ صوبائی وزراء کے ہمراہ پریس کانفرنس کر رہے ہیں۔ فوٹو: اسکرین گریب
نیشنل ایکشن پلان پر عملدرآمد کر رہے ہیں، دہشت گردی کیلئے زیرو ٹالرنس ہے: وزیراعلیٰ سندھ
18 مارچ ، 2019
وزیراعلیٰ سندھ سید مراد علی شاہ نے کہا ہے کہ حکومت سندھ نیشنل ایکشن پلان پر عملدرآمد کر رہی ہے اور دہشت گردی کے لیے زیرو ٹالرنس ہے۔
کراچی میں پریس کانفرنس کرتے ہوئے وزیراعلیٰ سندھ کا کہنا تھا کہ پی ایس ایل کا انعقاد بڑا امتحان تھا، عوام کے تعاون کی مثال نہیں ملتی، فائنل میث امن، مسکراہٹوں، اتحاد اور پاکستان کی جیت ہوئی۔
دہش گردی کی وارداتوں میں اضافے کے حوالے سے بات کرتے ہوئے مراد علی شاہ کا کہنا تھا کہ سندھ میں حالیہ دہشتگردی کے واقعات کے تمام نیٹ ورک پکڑے گئے، دہشت گردوں کا تعلق ایم کیو ایم لندن سے تھا۔
وزیراعلیٰ سندھ نے کہا کہ نیشنل ایکشن پلان پر عملدرآمد کر رہے ہیں، دہشتگردوں کے لیے زیرو ٹالرنس ہے۔
