06 مئی ، 2019 
سی ٹی ڈی نے کالعدم تنظیموں سے جڑی 11 تنظیموں پر پابندی کی سفارش کردی
06 مئی ، 2019
اسلام آباد: کاؤنٹر ٹیررازم ڈیپارٹمنٹ (سی ٹی ڈی) نے کالعدم تنظیموں سے جڑی 11 تنظیموں پر پابندی کی سفارش کردی۔
ذرائع کے مطابق لاہور اور کراچی کے کاؤنٹر ٹیررازم ڈیپارٹمنٹ نے کالعدم تنظیموں کی نگرانی کی اور اس نگرانی کی روشنی میں پنجاب سے 11 تنظیموں پر پابندی کی سفارش کی گئی ہے۔
ذرائع نے بتایا کہ سی ٹی ڈی کراچی کی جانب سے 2 تنظیموں کو زیر نگرانی رکھنے کی بھی سفارش کی گئی ہے۔
ذرائع کے مطابق انسداد دہشتگردی ایکٹ 1998 کے تحت تنظیموں پر پابندی اور انہیں زیر نگرانی رکھنےکا فیصلہ وزارت داخلہ کرتی ہے۔
ذرائع کا کہنا ہےکہ وزیرداخلہ اعجاز شاہ تنظیموں کو کالعدم قرار دینے کا حتمی فیصلہ کریں گے اور اس حوالے سے وزارت داخلہ کو بھیجی گئی سفارشات پر 2 سے 3 روز میں فیصلے کا امکان ہے۔
