پاکستان اور بنگلادیش کے درمیان وارم اپ میچ بارش کے باعث ختم
26 مئی ، 2019
انگلینڈ: پاکستان اور بنگلادیش کے درمیان ورلڈ کپ کا وارم اپ میچ بارش کے باعث بغیر شروع ہوئے ہی ختم ہو گیا۔
ورلڈکپ سے قبل ٹیموں کے وارم اپ میچز کھیلے جا رہے ہیں اور اس سلسلے میں پاکستان کو اپنا دوسرا میچ آج بنگلا دیش کے خلاف کھیلنا تھا۔
کارڈف میں بنگلادیش کے خلاف کھیلے جانے والے میچ کا ٹاس پاکستانی وقت کے مطابق دوپہر 2 بجے ہونا تھا جو وقفے وقفے سے بارش کے باعث نہیں ہو سکا۔
اس سے قبل افغانستان کے خلاف وارم اپ میچ میں پاکستان کو 3 وکٹوں سے شکست کا سامنا کرنا پڑا تھا۔
