ایف بی آر کی پھرتیاں، وفات پا جانے والے اہلکاروں کے بھی تبادلے کر دیئے

فیڈرل بورڈ آف ریوینیو (ایف بی آر) نے پھرتیاں دکھاتے ہوئے وفات پا جانے والے اہلکاروں کے بھی تبادلے کر دیئے۔

ایف بی آر نے دو روز قبل کراچی، لاہور، راولپنڈی اور اسلام آباد سمیت ملک کے 16 شہروں میں گریڈ 9 سے 16 تک کے افسران و اہلکاروں کے تبادلے کیے تھے۔

ایف بی آر کی جانب سے آج بھی ادارے کے اہلکاروں اور افسران کے تبادلے کیے گئے جن میں وفات پا جانے والے افراد بھی شامل ہیں۔

ایف بی آر میں اکھاڑ پچھاڑ، بڑے شہروں میں سیکڑوں افسران و اہلکاروں کا تبادلہ

کراچی، لاہور، اسلام آباد، پشاور، فیصل آباد اور گوجرانوالہ سمیت دیگر ریجنز میں گریڈ 9 سے 16 تک کے افسران و اہلکاروں کا تبادلہ کردیا گیا، نوٹی فکیشن جاری

ایف بی آر کے سیکریٹری مینجمنٹ آئی آر ولائت خان نے مرحومین کے تبادلے کے احکامات جاری کیے۔

ایف بی آر نے 6 ماہ پہلے وفات پانے والے انسپکٹر صدیق سالک اور احمر سلیم کا تبادلہ کر دیا۔ مرحوم انسپکٹر صدیق سالک اور احمر سلیم کا سی آر ٹی او سے آر ٹی او ٹو تبادلہ کیا گیا۔

ایف بی آر ٹھیک نہ ہوا تو نیا ایف بی آر بنائیں گے: وزیراعظم

کبھی بھی قرضہ لینے والی قوم کی عزت نہیں ہوتی، ٹیکس نیٹ بہتر نہ ہونا ملک کی سلامتی کا مسئلہ ہے، نئے پاکستان کے لیے ٹیکس کلچر بہت ضروری ہے: وزیراعظم عمران خان

ایف بی آر نے 4 ماہ قبل جہان فانی سےکوچ کر جانے والے کلرک کا بھی تبادلہ کر دیا۔

اپر ڈویژن کلرک اویس اشتیاق بھٹی مرحوم کا آر ٹی او ٹو تبادلہ کر دیا گیا۔ اویس اشتیاق بھٹی 18فروری کو عارضہ قلب کے باعث انتقال کر گئے تھے۔