30 جولائی ، 2019 
پاکستان
وفاقی وزیر و ایم کیو ایم رہنما خالد مقبول صدیقی کی گاڑی چوری
30 جولائی ، 2019
کراچی: ایم کیوایم پاکستان کے رہنما اور وفاقی وزیر انفارمیشن ٹیکنالوجی خالد مقبول صدیقی کی گاڑی چوری ہوگئی۔
جیونیوز کے مطابق خالد مقبول صدیقی کی گاڑی کراچی کے علاقے بہادرآباد میں ایم کیوایم کے دفتر کے باہر سے چوری ہوئی۔
پولیس کے مطابق خالد مقبول صدیقی کی گاڑی بہادرآباد میں واقع ایم کیوایم کے دفتر کی پارکنگ میں پارک تھی جب کہ گاڑی ایم کیوایم کے ویلفیئر ادارے خدمت خلق فاؤنڈیشن کے نام پر رجسٹرڈ ہے۔
ایم کیوایم نے گاڑی چوری کی ایف آئی آر درج کرادی ہے۔
