دنیا
15 اگست ، 2012
15 اگست ، 2012 
بات چیت کے ذریعے فلسطینی ریاست کا قیام ناممکن ہے، ایرانی وزیر دفاع
15 اگست ، 2012
تہران… ایرانی وزیر دفاع بریگیڈیئر احمد وحیدی نے کہا ہے کہ اسرائیلی حکومت کے ساتھ بات چیت کے ذریعے بیت المقدس کی آزادی اور فلسطینی ریاست کا قیام ناممکن ہے۔ ایک انٹرویو میں انہوں نے کہاکہ امریکی حکام اور مغربی ممالک نہ صرف فلسطینیوں کے حقوق کا احترام نہیں کرتے بلکہ اسرائیلی مخالف مزاحمت کو کچلنے کی کوششوں میں مصروف ہیں۔ انہوں نے کہاکہ امریکہ اور مغرب کی طرف سے شامی باغیوں کی حمایت بھی اس سلسلہ کی کڑی ہے جس کا مقصد شامی حکومت کا خاتمہ اور بیت المقدس کی آزادی کیلئے جدوجہد کرنے والے فلسطینیوں کے حمایتی ممالک کو سبق سیکھانا ہے تاہم مغربی ممالک اپنے مقاصد میں کامیاب نہیں ہوں گے۔
