15 نومبر ، 2019 
پاکستان
ملکہ میکسیما 25 سے27 نومبر تک پاکستان کا دورہ کریں گی— فوٹو: فائل
ہالینڈ کی ملکہ پاکستان کا دورہ کریں گی
15 نومبر ، 2019
اسلام آباد: ہالینڈ کی ملکہ میکسیما رواں ماہ کے آخر میں پاکستان کا دورہ کریں گی۔
اطلاعات کے مطابق ملکہ میکسیما 25 سے27 نومبر تک پاکستان کا دورہ کریں گی۔
ان کا یہ دورہ اقوام متحدہ کی مالیاتی شمولیت برائے ترقی کی خصوصی نمائندہ کے طور پر ہوگا۔
دورے کے دوران ملکہ میکسیما مالیاتی سروسز تک رسائی میں پیش رفت پربات چیت کریں گی اور وہ یہ دورہ حکومت پاکستان کی دعوت پر کررہی ہیں۔
ملکہ میکسیما کی وزیراعظم عمران خان، صدر مملکت عارف علوی اور دیگر حکومتی عہدے داروں سے بھی ملاقات کا امکان ہے۔
اس سے قبل وہ فروری 2016 میں بھی پاکستان کا دورہ کرچکی ہیں۔
