لاہور…پاکستان اور انگلینڈ کے درمیان ہونے والی ون ڈے اور ٹی ٹوئنٹی سیریز کے لئے دونوں ہی بورڈز کی جانب سے اسکواڈز کا اعلان کردیا گیاہے،پاکستان ٹیم میں آل راوٴنڈر شاہد آفریدی اور شعیب ملک کی واپسی ہوئی ہے جبکہ اظہر علی کو ون ڈے اسکواڈ میں شامل کرلیا گیا۔قومی ٹیم محدود اوورز کے میچز میں بھی مصباح الحق کی قیادت میں ایکشن میں ہو گی۔ون ڈے کیلئے سولہ اورٹی ٹوینٹی کے لیے 17رکنی اسکواڈ کااعلان کیاگیا،ون ڈے ٹیم ان کھلاڑیوں پرمشتمل ہے۔ مصباح الحق کپتان،شاہد آفریدی، عمران فرحت، محمدحفیظ، یونس خان، عمراکمل، اظہرعلی، اسد شفیق، عدنان اکمل، سعیداجمل، عبدالرحمان، عمرگل، وہاب ریاض، اعزازچیمہ ، جنید خان اورحماداعظم،یونس خان اوراظہرعلی کے علاوہ تمام کھلاڑی ٹی ٹوینٹی ٹیم کابھی حصہ ہیں جبکہ ٹی ٹوینٹی اسکواڈ میں اویس ضیا کو بھی شامل کیاگیاہے۔سابق کپتان شعیب ملک کو ٹیم کے اعلان کے چار گھنٹے بعد ٹیم میں شامل کیا گیا،دوسری جانب ون ڈے سیریز میں انگلش ٹیم کی قیادت ایلسٹر کک کریں گے جبکہ ٹی ٹوئنٹی میں اسٹورٹ براڈ کپتان ہوں گے پاکستان اور انگلینڈ کے درمیان ون ڈے سیریز کا آغاز 13 فروری سے ابو ظہبی میں ہوگا۔