برطانیہ 47 سال بعد یورپی یونین سے علیحدہ
01 فروری ، 2020
برطانیہ 47 برس بعد یورپی یونین سے علیحدہ ہو گیا جس کا اعلان برطانوی وزیراعظم کی رہائش گاہ ٹین ڈاؤننگ اسٹریٹ پر نصب روشن گھڑی کے ذریعے کیا گیا۔
برطانیہ کی یورپی یونین سے علیحدگی کے بعد عبوری دور کا آغاز ہو گیا ہے جو 31 دسمبر 2020 کو ختم ہو گا۔
معاہدے کے تحت 11 ماہ تک برطانیہ میں یورپی قوانین لاگو رہیں گے اور عبوری دور میں شہریوں کی آزادانہ نقل و حرکت بھی جاری رہے گی۔
برطانوی سفارت خانے سے یورپی یونین کا جھنڈا اتار لیا گیا جب کہ یورپین پارلیمنٹ سے بھی برطانوی جھنڈا ہٹا دیا گیا ہے۔
بریگزٹ سے علیحدگی کے بعد برطانیہ کی اہم عمارتیں اور شاہرائیں برطانوی پرچم کے رنگ میں رنگ گئی ہیں۔
بریگزٹ پر کوئی افسردہ، کوئی خوش اور کوئی برہم
لندن میں پارلیمنٹ اسکوائر پر تقریب کا انعقاد کیا گیا جس میں بریگزٹ کے حامیوں نے فیصلے کا خیر مقدم کیا جب کہ برطانوی وزیراعظم کی قیام گاہ کے سامنے بریگزٹ کے مخالفین کی جانب سے مظاہرہ بھی کیا گیا۔
خیال رہے کہ چند روز قبل برطانوی وزیراعظم بورس جانسن اور یورپی یونین کے حکام نے برطانیہ کے یورپی یونین سے علیحدگی کے معاہدے پر دستخط کیے تھے۔
