01 اپریل ، 2020 
پاکستان
فائل فوٹو
کراچی میں کورونا کے سب سے زیادہ کیسز کہاں سامنے آئے؟ تفصیلات موصول
01 اپریل ، 2020
کراچی: جیو نیوز نے کراچی میں کورونا وائرس کے ضلعی سطح پر اعداد و شمار حاصل کرلیے۔
ذرائع کے مطابق کراچی میں اب تک کورونا کے سب سے زیادہ کیسز صدر میں رپورٹ ہوئے جن کی تعداد 64 ہے۔
ذرائع نے بتایا کہ 58 کیس گلشن اقبال، 35 نارتھ ناظم آباد اور گلبرگ میں 17 کیس رپورٹ ہوئے۔
اس کے علاوہ جمشید ٹاؤن 15، ملیر 10،سائٹ گڈاپ کورنگی اورلانڈھی سے 2،2 کیس رپورٹ ہوئے۔
ذرائع کے مطابق شہر میں کورونا وائرس کے تصدیق شدہ کیسز میں 64.18 فیصد مرد اور 35.82 فیصد خواتین شامل ہیں۔
واضح رہےکہ سندھ بھر میں کورونا وائرس سے متاثرہ افراد کی تعداد 650 سے زائد ہے جب کہ ایک شخص کورونا سے جاں بحق ہوا، اس کے علاوہ صوبے بھر میں کورونا وائرس سے 54 افراد صحت یاب ہوئے ہیں۔
