28 اگست ، 2012 
کے پی کے 70 بنوں ون : عرفان اللہ درانی 23107 ووٹ لیکر آگے
28 اگست ، 2012
بنوں … خیبرپختونخوا اسمبلی کی نشست کے پی کے 70 بنوں ون میں ضمنی انتخابات میں ووٹوں کی گنتی جاری ہے، 40 پولنگ اسٹیشنوں کے غیر حتمی اور غیر سرکاری نتائج کے مطابق جمعیت علمائے اسلام ف کے عرفان اللہ درانی 23107 ووٹ لے کر آگے ہیں۔ نمائندہ جیو نیوز کے مطابق کے پی کے 70 بنوں ون کے ضمنی انتخاب میں ووٹوں کی گنتی جاری ہے جبکہ 40 پولنگ اسٹیشنوں کا غیر حتمی اور غیر سرکاری نتیجہ آنے کے بعد جمعیت علمائے اسلام ف کے عرفان اللہ درانی 23 ہزار 107 ووٹوں کے ساتھ سب سے آگے ہیں جبکہ آزاد امیدوار صادق الرحمان نے 280 ووٹ حاصل کئے ہیں۔ خیبر پختونخوا اسمبلی کے حلقہ کے پی کے 70 بنوں ون کی نشست زیاد اکرم درانی کی وفات کے باعث خالی ہوئی تھی جس پر آج ضمنی انتخاب ہوا۔ اس نشست پر 5 امیدوار حصہ لے رہے ہیں، جن میں جمعیت علمائے اسلام کے عرفان اللہ درانی کے علاوہ سعد اللہ خان پیر صاحب، ظفر علی ظفری، صادق الرحمن اور رحمت اللہ عرف کاکا جان آزاد امیدوار کی حیثیت سے میدان میں ہیں۔
مزید خبریں :
