31 جولائی ، 2020 
حکومت تعمیراتی شعبے کو ہرممکن سہولت فراہم کرے گی: وزیراعظم
31 جولائی ، 2020
وزیراعظم عمران خان نے ایک بار پھر اس عزم کا اعادہ کیا ہے کہ حکومت تعمیراتی شعبے کو ہرممکن سہولت فراہم کرے گی جب کہ تعمیراتی سرگرمیوں کے فروغ سے روزگار کے مواقع پیدا ہوں گے۔
وزیرِ اعظم عمران خان کی زیر صدارت نیشنل کوارڈینیشن کمیٹی برائے ہاؤسنگ، کنسٹرکشن اینڈ ڈویلپمنٹ کا ہفتہ وار اجلاس ہوا جس میں ایسوسی ایشن آف بلڈرز اینڈ ڈویلپرز آف پاکستان (آباد) کے 13 نمائندگان نے ویڈیو لنک کے ذریعے شرکت کی۔
اجلاس میں تعمیراتی شعبے میں حکومت کی جانب سے دی جانے والی مراعات اور اس کے نتیجے میں شروع ہونے والی سرگرمیوں کی پیشرفت کا تفصیلی جائزہ لیا گیا۔
نیشنل کوآرڈینیشن کمیٹی برائے ہاؤسنگ، کنسٹرکشن اینڈ ڈیولپمنٹ کے اجلاس کی مزید تفصیلات کے مطابق وزیراعظم عمران خان نے کہا کہ بلڈرز کے لیے ون ونڈو سہولت کو یقینی بنانے کے لیے کڑی نگرانی کی جائے گی۔
اجلاس کے اعلامیے کے مطابق اجلاس میں بلڈرز نے وزیراعظم عمران خان کو 1370 ارب روپے کے تعمیراتی منصوبے شروع کرنے کی یقین دہانی کرائی ہے اور کہا کہ تعمیراتی منصوبوں پر کام کا آغاز 4 سے 5 ماہ میں ہو جائے گا۔
اجلاس میں مجموعی طور پر 13 بڑے تعمیراتی گروپس نے آئندہ 6 ماہ میں ایک لاکھ مکانات کی تعمیرشروع کرنے کی یقین دہانی کرائی ہے۔
ایسوسی ایشن آف بلڈرز اینڈ ڈیولپرز (آباد) کی جانب سے تعمیراتی شعبے میں مزید سرمایہ کاری کی یقین دہانی کرائی گئی ہے۔
اعلامیے کے مطابق نئے رہائشی منصوبوں کو گیس، بجلی اور دیگربنیادی ضروریات کی بروقت فراہمی کو یقینی بنایا جائے گا۔
مزید خبریں :
روپے کے مقابلے ڈالر کی قدر میں کمی
8 گھنٹے پہلے
پاکستان اسٹاک ایکسچینج کے 100 انڈیکس میں مزید کمی
8 گھنٹے پہلے
ملک میں سونےکی قیمت میں اضافہ ہوگیا
9 گھنٹے پہلے
11 مہینوں میں بیرونی سرمایہ کاری کتنی بڑھی؟ اعداد و شمار جاری
26 دسمبر ، 2024
پاکستان میں مقامی سطح پر موبائل مینوفیکچرنگ میں کمی
25 دسمبر ، 2024
گیس کی پیداوار میں کمی، 4 ماہ میں 53 ارب روپے کا نقصان
25 دسمبر ، 2024
انٹربینک میں ڈالر سستا ہوگیا
24 دسمبر ، 2024
