کورونا کی وجہ سے بند ٹرینوں کو بحال کرنے کا اعلان
15 اکتوبر ، 2020
لاہور: وزیر ریلوے شیخ رشید نے کورونا کی وجہ سے بند ٹرینوں کو بحال کرنے کا اعلان کر دیا۔
لاہور میں پریس کانفرنس کرتے ہوئے شیخ رشید نے کہا تمام ٹرینوں کے ٹائم ٹیبل اور اسٹاف کو بھی بحال کرنے کا اعلان کیا۔
وزیر ریلوے کا کہنا تھا کہ کراچی سرکلر ریلوے کیلئے 60 میں سے 40 بوگیاں تیار ہیں۔
ریلوے کرایوں میں کمی سے متعلق سوال پر شیخ رشید نے کہا کہ کورونا کی وجہ سے 8 ماہ ٹرین سروس بند رہی لہٰذا ریل کے کرائے کم نہیں ہو سکتے۔
