15 اکتوبر ، 2020 
کراچی :گھر میں آتشزدگی سے 2 بچیاں جاں بحق ہوگئیں
15 اکتوبر ، 2020
کراچی کے علاقے بفرزون میں گھر میں آگ لگنے سے 2 بچیاں جاں بحق ہوگئیں۔
ریسکیو ذرائع کے مطابق آگ لگنے کا واقعہ بفرزون سیکٹر 15 اے میں پیش آیا ہے جس کے نتیجے میں 2 بچیاں جاں بحق ہوئی ہیں۔
ریسکیو اہلکاروں کے مطابق جاں بحق ہونے والی ایک بچی کی عمر 5 سال اور دوسری کی7 سال ہے۔
سینیئر سپرنٹنڈنٹ آف پولیس (ایس ایس پی) سینٹرل عارف اسلم راؤ کے مطابق گھر میں آگ مبینہ طور پر شارٹ سرکٹ سے لگی ہے اور ابتدائی تحقیقات کے مطابق جس وقت آگ لگی والدین گھر پر موجود نہیں تھے اور دونوں بچیوں کو گھر میں لاک کرکے کسی کام سے باہرگئے ہوئے تھے۔
ایس ایس پی سینٹرل کے مطابق پولیس دروازہ توڑ کرگھر کے اندرداخل ہوئی،دونوں بچیاں جزوی طور پر جھلسی ہوئی تھیں اور دم گھٹنے سے جاں بحق ہوگئیں۔
عارف اسلم راؤ کا کہنا ہے کہ گھر میں آگ لگنے کے واقعے کی مزید تفتیش کی جارہی ہے۔
