13 ستمبر ، 2012 
اسرائیلی وزیراعظم کے فلسطینی حکام کو پیشگی رقم دینے کے احکامات
13 ستمبر ، 2012
بیت المقدس… اسرائیل کے وزیراعظم نیتن یاہو نے فلسطینی حکام کو ٹیکس کی رقم ایڈوانس دینے کے احکامات جاری کردئیے ہیں۔ صیہونی وزیراعظم کے دفتر سے جاری بیان میں کہاگیا ہے کہ وزیراعظم نے یہ اقدام فلسطینی ریاست کی مالی مشکلات پرقابو پانے کیلئے اٹھایاہے۔ بیان میں کہاگیا ہے کہ وزیراعظم نیتن یاہو نے ایڈوانس ٹیکس کی مدد میں 250 ملین شکلز (63 ملین ڈالر) فلسطینی حکام کو ادا کرنے کا حکم دیا ہے۔ فلسطینی ریاست آج کل شدید مالی واقتصادی مشکلات سے دوچار ہے واضح رہے کہ ٹیکس کی رقم اسرائیل جمع کرتا ہے ۔ گزشتہ روز نتین یاہو نے کہاکہ فلسطینی ریاست کی امداد اوران کی اقتصادی مشکلات پر قابو پانے کیلئے صیہونی حکومت مختلف منصوبوں پر کام کررہی ہے ۔ انہوں نے کہاکہ ہم نے ٹیکس نظام میں کئی تبدیلیاں کی ہیں تاکہ مخصوص رقم فلسطینی حکام کو براہ راست منتقل ہوسکے ۔ انہوں نے امیدظاہر کی کہ فلسطینی ریاست جلد اقتصادی مشکلات پرقابو پانے میں کامیاب ہوجائے گی۔
مزید خبریں :
امریکا نے پاکستان کیلئے ٹریول ایڈوائزری جاری کردی
7 گھنٹے پہلے
سعودی ولی عہد شہزادہ محمد بن سلمان کا ویژن 2030 کیا ہے؟
08 مارچ ، 2025
بارات میں پیسے لوٹنے والا 14 سالہ نوجوان کرنٹ لگنے سے ہلاک
08 مارچ ، 2025
