16 نومبر ، 2020 
پاکستان
عدالت کا ن لیگ کے سابق ایم این اے کو رہا کرنے کا حکم
16 نومبر ، 2020
ملتان: اینٹی کرپشن کورٹ نے مسلم لیگ ن کے سابق ایم این اے ملک عبدالعفار ڈوگر کو رہا کرنے کا حکم دے دیا۔
محکمہ اینٹی کرپشن نے کرپشن کے الزام میں گرفتار سابق ایم این اےکو اینٹی کرپشن کورٹ میں پیش کیا۔
عدالت نے سابق ایم این اے عبدالغفار ڈوگر کو رہا کرنے کا حکم جاری کرتے ہوئے ان کے خلاف درج مقدمہ بھی خارج کرنے کا حکم دے دیا۔
خیال رہے کہ اینٹی کرپشن یونٹ پنجاب نے ڈپٹی کمشنر کی درخواست پر ملک عبدالغفار ڈوگر کو گرفتار کیا تھا۔
اینٹی کرپشن پنجاب کے حکام کا کہنا تھا کہ عبدالغفار ڈوگر پر کرپشن اور اختیارات کے ناجائز استعمال کا مقدمہ درج تھا۔
