17 دسمبر ، 2020 
بلوچستان میں کورونا کیسز کی شرح میں کمی
17 دسمبر ، 2020
کوئٹہ: بلوچستان میں کورونا کیسز کی شرح میں کمی دیکھنے میں آئی ہے جہاں 24 گھنٹوں کے دوران صوبے کے 5 اضلاع سے کورونا کے 42 نئے مریض سامنے آئے ہیں۔
محکمہ صحت کی جاری رپورٹ کے مطابق بدھ کو صوبے میں 295 افراد کے کورونا ٹیسٹ کیے گئے ان ٹیسٹ کے نتیجے میں صوبے کے 5 اضلاع سے 42 نئے کیسز سامنے آئے جس کے بعد صوبے میں اب تک کورونا وائرس سے متاثر ہونے والوں کی مجموعی تعداد 17 ہزار838 ہوگئی۔
رپورٹ کے مطابق 24 گھنٹوں کے دوران کورونا میں مبتلا 47 مریضوں کے صحت یاب ہونے کے بعدصوبے میں صحت یاب ہونے والوں کی تعداد 17 ہزار 235 ہوگئی جب کہ صوبے میں کورونا سے انتقال کرجانے والوں کی تعداد176ہے ۔
رپورٹ کے مطابق صوبے کے تعلیمی اداروں میں کورونا کا کوئی ٹیسٹ نہیں ہوا اس لیے ان اداروں سے کورونا کا کوئی نیا کیس سامنے نہیں آیا۔
