30 دسمبر ، 2020 
احسان مانی اور وسیم خان کو برطانیہ کیلیے خصوصی سفر کی اجازت مل گئی
30 دسمبر ، 2020
کراچی: سول ایوی ایشن اتھارٹی (سی اے اے) نے پاکستان کرکٹ بورڈ (پی سی بی) کے چیئرمین احسان مانی اور سی ای او وسیم خان کو برطانیہ کے لیے خصوصی سفر کی اجازت دے دی۔
ایوی ایشن حکام کے مطابق پی سی بی حکام کو 2 سے 8 جنوری کی امارات ائیرلائن کی پروازوں کے ذریعے سفر کی خصوصی اجازت ہوگی جب کہ پی سی بی حکام لندن میں آفیشل میٹنگ کے لیے لاہور اور دبئی سے براستہ لندن روانہ ہوں گے۔
ایوی ایشن حکام کا کہنا ہے کہ پی سی بی چیئرمین اور سی ای او 8 جنوری کو برطانوی کرکٹ بورڈ حکام سے ملاقات کے بعد واپس وطن پہنچیں گے۔
پی سی بی چیئرمین احسان مانی اور وسیم خان ای کے 008 کے ذریعے روانہ اور ای کے 624 واپس لاہور پہنچیں گے، پی سی بی حکام کو کورونا ٹیسٹ اور قرنطینہ کی شرط کے تحت سفرکی اجازت دی گئی ہے۔
خیال رہے کہ پاکستان کرکٹ بورڈ نے احسان مانی اور وسیم خان کے لیے برطانیہ کے سفر کی خصوصی اجازت کی درخواست کی تھی۔
مزید خبریں :
اظہر علی کو پی سی بی میں اہم عہدہ مل گیا
22 نومبر ، 2024
مجھے میڈیم پیسر کیوں بولا؟ بمراہ رپورٹر کے سوال پر برا مان گئے
21 نومبر ، 2024
