کوشش ہوگی پی ایس ایل میں شائقین کو گراؤنڈز میں آنے کی اجازت ملے، احسان مانی

پاکستان کرکٹ بورڈ (پی سی بی) کے چیئرمین احسان مانی نے کہا ہے کہ کوشش ہوگی پاکستان سپر لیگ کے  چھٹے ایڈیشن میں فینز کو گراؤنڈز میں آنے کی اجازت ملے۔

پاکستان سپر لیگ (پی ایس ایل) کے چھٹے ایڈیشن کیلئے ٹیموں کی جانب سے کھلاڑیوں کے چناؤ کی تقریب ہوئی۔

پاکستان سپر لیگ 6 کیلئے کھلاڑیوں کا چناؤ جاری، براہ راست دیکھیں

پاکستان سپر لیگ کے چھٹے ایڈیشن کے لیے کھلاڑیوں کے ڈرافٹ کا عمل لاہور میں جاری ہے اور تمام ٹیمیں اپنے پسندیدہ کھلاڑیوں کا انتخاب کر رہی ہیں۔

تقریب سے خطاب میں پی سی بی کے چیئرمین احسان مانی نے کہا ہے کہ کوشش ہوگی پاکستان سپر لیگ کے چھٹے ایڈیشن میں فینز کو گراؤنڈز میں آنے کی اجازت ملے اور اس حوالے سے حکومت سے بات کریں گے۔

ان کا کہنا تھا کہ جس حد تک کراؤڈ کو گراؤنڈ میں لاسکے لے کر آئیں گے۔

پی سی بی کے چیف ایگزیکیٹو وسیم خان کہتے ہیں کہ پی ایس ایل بہترسے بہتر ہورہی ہے، یہ لیگ قوم کو متحد کرتی ہے، پی ایس ایل کو سپورٹ کرنے پر سب کا شکریہ ادا کرتے ہیں۔