کھیل
21 ستمبر ، 2012
21 ستمبر ، 2012 
ورلڈ ٹی20 میں آج دو میچ کھیلے جائیں گے
21 ستمبر ، 2012
کولمبو… ٹی20 کرکٹ ورلڈکپ میں آج دو میچ کھیلے جائیں گے۔ پہلا میچ پالی کیلے میں گروپ ڈی کی ٹیموں بنگلا دیش اور نیوزی لینڈ کے درمیان کھیلا جائے گا، میچ پاکستان وقت کے مطابق سہ پہر تین بجے شروع ہوگا۔ بنگلہ دیش کی تمام تر امیدوں کا محور آل راؤنڈر شکیب الحسن ہیں۔بنگلہ دیش کو توقع ہے کہ شکیب بیٹ اور بال سے کارکردگی دکھائیں گے۔ بنگلہ دیش کے کپتان مشفق الرحیم کا کہنا ہے کہ شکیب کی شمولیت سے ٹیم کو استحکام ملا ہے۔ کیوی ٹیم کے ڈینیل ویٹوری، ٹم ساؤتھی اور راب نکول ان فٹ ہیں، کپتان راس ٹیلرکا کہنا ہے کہ تینوں میچ کے لیے فٹ ہوجائیں گے۔ آج دوسرے میچ میں گروپ اے کی ٹیمیں افغانستان اور انگلینڈ مدمقابل ہوں گی، یہ میچ کولمبو میں شام سات بجے کھیلا جائے گا۔
مزید خبریں :
