کھیل
22 ستمبر ، 2012
22 ستمبر ، 2012 
ورلڈ ٹی 20: جنوبی افریقہ کا سری لنکا کو جیت کیلئے 79 رنز کا ہدف
22 ستمبر ، 2012
ہمبن ٹوٹا … ورلڈ ٹی 20 کے بارش سے متاثرہ میچ میں جنوبی افریقہ نے سری لنکا کو جیت کیلئے 79 رنز کا ہدف دیا ہے۔ ہمبن ٹوٹا کے راجا پکسے انٹرنیشنل کرکٹ اسٹیڈیم میں کھیلے جانے والا میچ بارش سے متاثر ہوا جس کے باعث کھیل 7، 7 اوورز تک محدود کردیا گیا۔ سری لنکا نے ٹاس جیت کر جنوبی افریقہ کو بیٹنگ کی دعوت دی۔ جنوبی افریقہ نے مقررہ 7اوورز میں 4 وکٹ کے نقصان پر 78 رنز بنائے۔ ابراہم ڈی ویلیئرز 13 گیندوں پر 2 چھکوں اور ایک چوکے کی مدد سے 30 رنز بنا کر ٹاپ اسکورر رہے۔ہاشم آملا نے 16 اور ڈو پلیسس نے 13 رنز بنائے۔سری لنکا کی جانب سے کولا سیکارا ، مالنگا، ہیراتھ اور پریرا نے ایک ایک وکٹ لی۔
مزید خبریں :
