22 ستمبر ، 2012 
ورلڈ ٹی 20: جنوبی افریقہ نے سری لنکا کو 32 رنز سے شکست دیدی
22 ستمبر ، 2012
ہمبن ٹوٹا … ورلڈ ٹی 20 کے بارش سے متاثرہ میچ میں جنوبی افریقہ نے سری لنکا کو 32 رنز سے شکست دے دی۔ ہمبن ٹوٹا کے راجا پکسے انٹرنیشنل کرکٹ اسٹیڈیم میں کھیلا جانے والا میچ بارش کے باعث 7 ، 7 اوورز تک محدود کیا گیا ، سری لنکا نے ٹاس جیت کر فیلڈنگ کا فیصلہ کیا ، جنوبی افریقہ نے میزبان ٹیم کو جیت کیلئے 79 رنز کا ہدف دیا تاہم سری لنکن کھلاڑی مقررہ 7 اوورز میں 5 وکٹ پر محض 46 رنز ہی بناسکے، مونا ویرا اور سنگاکارا 13، 13 رنز کے ساتھ نمایاں بیٹسمین رہے، جنوبی افریقہ کی جانب سے ڈیل اسٹین نے 2 ، جیک کیلس اور البی مورکل نے ایک ایک وکٹ حاصل کی۔اس سے قبل جنوبی افریقہ نے مقررہ 7اوورز میں 4 وکٹ کے نقصان پر 78 رنز بنائے۔ ابراہم ڈی ویلیئرز 13 گیندوں پر 2 چھکوں اور ایک چوکے کی مدد سے 30 رنز بنا کر ٹاپ اسکورر رہے۔ہاشم آملا نے 16 اور ڈو پلیسس نے 13 رنز بنائے۔سری لنکا کی جانب سے کولا سیکارا ، مالنگا، ہیراتھ اور پریرا نے ایک ایک وکٹ لی۔ابراہم ڈی ویلیئرز کو مین آف دی میچ ایوارڈ دیا گیا۔
مزید خبریں :
