03 مارچ ، 2021 
پاکستان
گڈاپ میں نامعلوم جنگلی جانور کا مویشیوں پر رات کی تاریکی میں حملہ
03 مارچ ، 2021
گڈاپ میں نامعلوم جنگلی جانور نے مویشیوں پر رات کی تاریکی میں حملہ کردیا جس کے نتیجے میں پانچ بکریاں ہلاک ہوگئیں۔
علاقے میں خوف و ہراس پھیل گیا، مقامی افراد کا کہنا ہے کہ گڈاپ اور سپر ہائی وے کے اطراف رہائشی اسکیموں کے باعث جنگلی حیات کا مسکن متاثرہونے سے بھوکے جانور اکثر رات میں بندھے جانوروں پر حملہ کرنے لگے ہیں۔
مقامی افراد کے مطابق جانور نے ایک ہی رات میں گوٹھ گاجان بلوچ میں بکریوں کو حملہ کرکے انہیں ماردیا ۔
واقعے کے جائزہ لینے کیلئے محکمہ وائلڈ لائف کی ٹیم روانہ کی جارہی ہے۔
