12 فروری ، 2012 
چمن، بھکر، لودھراں، میانوالی میں ٹریفک حادثات، 16 افراد ہلاک
12 فروری ، 2012
کراچی . . . . . چمن، بھکر، لودھراں اور میانوالی میں ٹریفک حادثات نے 16 افراد کی جان لے لی جبکہ 4 افراد زخمی ہوگئے۔ چمن میں گڑنگ کے قریب مٹی سے بھرا ڈمپر کوئٹہ جانے والی کار سے ٹکرا گیا جس کے نتیجے میں کار میں سوار ایک بچے سمیت 6 افراد موقع پر جاں بحق ہو گئے جبکہ ایک شخص زخمی ہوا۔ بھکر میں ایم ایم روڈ پر کار اور ٹرک کے درمیان تصادم میں کار میں سوار 2بچے، 2 خواتین اور 2مرد موقع پر ہی جاں بحق جبکہ ایک خاتون اور بچہ شدید زخمی ہوگئے۔ لودھراں میں کہروڑ پکا بائی پاس کے قریب تیز رفتار ٹرالر نے موٹر سائیکل کو ٹکر مار دی، جس سے موٹر سائیکل پر سوار ایک ہی خاندان کے 4 افراد موقع پر ہی چل بسے۔ میانوالی میں بھٹیاں والا کے قریب تیز رفتارکار نہر تھل پروجیکٹ میں گر گئی ،ریسکیو ٹیم کی 18 گھنٹے کی کوششوں کے بعد نہر سے کار تو نکال لی گئی مگر کار ڈرائیور کی تلاش جاری ہے۔
