12 مارچ ، 2021 
’رواں مالی سال کے پہلے 6 ماہ میں مالی خسارہ جی ڈی پی کا 2.5 فیصد رہا‘
12 مارچ ، 2021
اسلام آباد: وزارت خزانہ نے 6 مہینے کے اعدادوشمار جاری کردیے۔
وزارت خزانہ کے مطابق رواں مالی سال کے پہلے 6 ماہ میں مالی خسارہ جی ڈی پی کا 2.5 فیصد رہا جو گزشتہ سال اسی عرصے میں 2.3 فیصد تھا۔
وزارت خزانہ کی جانب سے بتایا گیا ہےکہ قرض پر سود کی ادائیگی کی مد میں 1475 ارب روپے ادا کیے گئے اور گزشتہ سال اسی عرصے میں سود کی ادائیگی پر 1281 ارب روپے ادا کیے گئے جب کہ رواں مالی سال کے پہلے 6 ماہ میں 487 ارب روپے خرچ ہوئے اور گزشتہ سال اسی عرصے میں دفاع پر 529 ارب روپے خرچ ہوئے تھے۔
وزارت خزانہ کےمطابق رواں مالی سال کے پہلے 6 ماہ میں مالی خسارہ پورا کرنے کے لیے 454 ارب روپے کا قرض لیا گیا جب کہ مالی سال 2019 میں مالی خسارہ پورا کرنے کے لیے 513 ارب روپے قرض لیا گیا تھا، رواں مالی سال کے پہلے 6 ماہ میں مقامی سطح پر683 ارب روپے قرض لیا گیا اور مالی سال 2019 میں مقامی قرض 481 ارب روپے تھا۔
وزارت خزانہ کا بتانا ہےکہ رواں مالی سال کے پہلے 6 ماہ میں اسٹیٹ بینک کا منافع 12.7 فیصد کمی سے 372 ارب روپے رہا۔
مزید خبریں :
پاکستان میں مقامی سطح پر موبائل مینوفیکچرنگ میں کمی
6 گھنٹے پہلے
گیس کی پیداوار میں کمی، 4 ماہ میں 53 ارب روپے کا نقصان
25 دسمبر ، 2024
انٹربینک میں ڈالر سستا ہوگیا
24 دسمبر ، 2024
ملک میں سونا سینکڑوں روپے سستا ہوگیا
24 دسمبر ، 2024
انٹربینک میں ڈالر مہنگا ہوگیا
23 دسمبر ، 2024
ملک میں فی تولہ سونےکی قیمت کتنی ہے؟
23 دسمبر ، 2024
