31 مارچ ، 2021 
جے یو آئی سے نکالے گئے مولانا شیرانی کی فضل الرحمان کے گھر آمد
31 مارچ ، 2021
اسلامی نظریاتی کونسل کے سابق چیئرمین اور جمعیت علماء اسلام سے نکالے گئے مولانا محمد خان شیرانی نے فضل الرحمان سے ان کی رہائشگاہ پر ملاقات کی ہے۔
مولانا محمد خان شیرانی اور مولانا گل نصیب جے یو آئی کے سربراہ مولانا فضل الرحمان کی رہائشگاہ پہنچے اور پارٹی سے نکالے گئے دونوں رہنماؤں نے مولانا فضل الرحمان کی عیادت کی۔
دونوں رہنماؤں کی ملاقات کے دوران جے یو آئی کے دیگر رہنماء بھی موجود تھے۔
خیال رہے کہ چند ماہ قبل مولانا محمد شیرانی اور مولانا گل نصیب کی جے یوآئی کی رکنیت ختم کر دی گئی تھی جس کے بعد مولانا محمد خان شیرانی نے مولانا فضل الرحمان پر سنگین نوعیت کے الزامات بھی عائد کیے تھے۔
مولانا محمد خان شیرانی کا کہنا تھاکہ سیاسی جماعتوں کو اسٹیبلشمنٹ کے خلاف محاذ آرائی کا حصہ نہیں بننا چاہیے۔
