کولمبو…ورلڈ ٹی20 کے سپرایٹ مرحلے میں آسٹریلیانے پاکستان کے خلاف ٹاس جیت کر فیلڈنگ کا فیصلہ کیا ہے۔پاکستان نے آج کے میچ میں ایک تبدیلی کی ہے اور یاسرعرفات کی جگہ عبدالرزاق کو ٹیم میں شامل کیا ہے جبکہ آسٹریلیا نے ٹیم میں کوئی تبدیلی نہیں کی ہے۔کپتان محمد حفیظ کا کہنا ہے کہ اگر ہم ٹاس جیت جاتے تو فیلڈنگ ہی کرتے۔ ان کہنا ہے کہ اس وکٹ پر 150 اچھا ہدف ہوگا۔ پاکستان کو میچ جیتنے کے ساتھ رن ریٹ کو بہتر بنانا ہوگا۔ پاکستان کا آسٹریلیا کے خلاف ٹی ٹوئنٹی ریکارڈ بہتر ہے۔ پاکستان اس میچ سے پہلے دس ٹی ٹوئنٹی انٹرنیشنل میں سے پانچ جیتا اور چار ہارا ہے اور ایک میچ ٹائی رہا۔ پاکستان کے کوچ ڈیو واٹمورکا کہنا ہے کہ ابھی ہم ٹورنامنٹ سے باہر نہیں ہوئے ہیں۔ البتہ آسٹریلیا کو ہراکر رن ریٹ برقرار رکھنا آسان کام نہیں ہوگا۔ واٹ مور نے کہا کہ شین واٹسن واقعی بہت زبردست فارم میں ہیں لیکن وہ انسان ہیں اور ان سے بھی غلطی ہوسکتی ہے۔آخری سپر ایٹ معرکہ سابق عالمی چمپئن بھارت اور ٹورنامنٹ میں دو میچ ہارنے والی جنوبی افریقا کے درمیان شام سات بجے ہوگا۔