21 اپریل ، 2021
ساؤتھ انڈین فلموں کی اداکارہ سمنتھا اکینینی کا شمار بھارت کی معروف اداکاراؤں میں ہوتا ہے جو کہ اپنی خوبصورتی اور بہترین اداکاری کے ساتھ ساتھ فلاحی کاموں کے باعث بھی جانی جاتی ہیں۔
بھارتی میڈیا کے مطابق سمنتھا نے حال ہی میں ایک خاتون رکشہ ڈرائیور کو نئی گاڑی خرید کردی ہے تاکہ وہ اپنی ٹیکسی سروس شروع کرسکے۔
ایک ٹی وی شو 'جس کی میزبانی خود سمنتھا کرتی ہیں' میں کویتھا نامی خاتون شریک ہوئی جس نے بتایا کہ اس کی 7 بہنیں ہیں اور وہ اپنےگھر کی واحد کمانے والی ہے، اس لیے وہ رکشہ چلاتی ہے۔
اس موقع پر اداکارہ نے وعدہ کیا کہ وہ اسے ایک نئی گاڑی خرید کردے گی تاکہ وہ اپنی ٹیکسی سروس شروع کرسکے۔
رپورٹ کے مطابق سمنتھا نے اپنا وعدہ پورا کرتے ہوئے خاتون رکشہ ڈرائیور کو ساڑھے 12 لاکھ بھارتی روپےکی ایک نئی گاڑی خرید کردی ہے تاکہ وہ اپنی ٹیکسی سروس شروع کرسکے۔