14 فروری ، 2012 
لاہور: سینئرز کی معطلی کیخلاف ینگ ڈاکٹرز کے مظاہرے جاری
14 فروری ، 2012
لاہور…لاہور میں پنجاب انسٹی ٹیوٹ آف کارڈیالوجی کے سینئر ڈاکٹرز کی معطلی کیخلاف ینگ ڈاکٹرز کے مظاہرے آج بھی جاری ہیں،جیل روڈ اور فیروزپور روڈ پر ٹریفک جام ہو گئی، پی آئی سی میں دواوٴں کے ری ایکشن سے اموات اور بے ضابطگیوں پر پنجاب حکومت نے پی آئی سی کے چیف ایگزیکٹو، ایم ایس اور ڈی ایم ایس کو معطل کر دیا تھا،ینگ ڈاکٹرزایسوسی ایشن نے اُن کی بحالی تک احتجاج جاری رکھنے کا اعلان کر رکھا ہے، ینگ ڈاکٹرز پی آئی سی اور چلڈرن اسپتال کے باہر جمع ہو گئے اور اپنے مطالبات کے حمایت میں مظاہرے کیے،اس دوران جیل روڈ اور فیروز پور روڈ پر ٹریفک جام ہو گئی ،جس سے شہریوں اور مریضوں کو شدید مشکلات کا سامنا کرنا پڑا،ینگ ڈاکٹرز کا کہنا ہے کہ مطالبات تسلیم نہ کیے گئے تو اگلے مرحلے میں ہڑتال کی جائے گی۔
مزید خبریں :
کراچی میں آئندہ 24 گھنٹوں میں موسم کیسا رہے گا؟
20 منٹ پہلے
