10 اکتوبر ، 2012 
بالی ووڈ کی معروف اداکارہ ریکھا 58برس کی ہوگئیں
10 اکتوبر ، 2012
ممبئی …این جی ٹی …ماضی کی مقبول بالی ووڈ اداکارہ ریکھا آج 58برس کی ہو گئیں ۔10اکتوبر 1954کو بھارتی ریاست تامل ناڈوکے شہر چنائے میں پیدا ہونے والی بھانو ریکھا گنیسان نے اپنے فلمی کیرئیر کا آغاز1966میں چائلڈ اسٹار کی حیثیت سے فلم رنگولا رتنم سے کیا۔بطور ہیروئن ریکھا کی پہلی فلم 1969میں کناڈا فلم انڈسٹری کیGoa dalli CID 999تھی جبکہ بالی وڈ فلم انڈسٹری میں ساون بھادوں رہی۔پچھلے40سال سے بالی ووڈ فلم نگری میں اپنی اداکارانہ صلاحیتوں کے جوہر دکھانے والی ریکھااب تک180سے زائد فلموں میں کئی لازوال کردار نبھا چکی ہیں۔بالی ووڈ فلم نگری کے لیے بے مثال خدمات انجام دینے والی ریکھا نے امراؤ جان،خون بھری مانگ،کھلاڑیوں کا کھلاڑی،گھر،مقدر کا سکندر،جدائی،جیون دھارا،سلسلہ،مجھے انصاف چاہیے،پھول بنے انگارے اور لجا میں بہترین کارکردگی کا مظاہرہ کرکے لائف ٹائم اچیومنٹ ایوارڈ سمیت لاتعداد ایوارڈز اپنے نام کیے۔2010ء میں ریکھا کو بھارت کے چوتھے بڑے سویلین اعزاز پدما شری سے بھی نوازا جاچکا ہے۔
مزید خبریں :
اداکار خوشحال خان کس کے کہنے پر شادی کریں گے؟
25 جون ، 2025
اداکار ثمر جعفری نے لیونل میسی سے متعلق دلچسپ قصہ سنادیا
24 جون ، 2025
ٹک ٹاکر ربیکا خان نے اپنی مایوں پر کتنا مہنگا جوڑا پہنا؟
23 جون ، 2025
اداکاری میں کوئی کرئیر نہیں، اداکارہ غنیٰ علی
22 جون ، 2025
