14 فروری ، 2012 
پاکستان اور انگلینڈ کے درمیان دوسراون ڈے کل کھیلا جائیگا
14 فروری ، 2012
ابو ظہبی… پاکستان اور انگلینڈ کی ٹیموں کے درمیان 4ون ڈے میچز پر مشتمل سیریز کادوسرا میچ کل شیخ زید کرکٹ اسٹیڈیم ابو ظہبی میں کھیلا جائیگا۔ میچ پاکستانی وقت کے مطابق شام 4بجے شروع ہوگا۔سیریز میں انگلینڈ کو 1-0 سے برتری حاصل ہے۔ آسٹریلیا کے سائمن ٹوفل اور پاکستان کے احسن رضا فیلڈ ، سری لنکا کے کمار دھرما سینا ٹی وی ،ضمیر حیدر متبادل امپائر ہونگے جبکہ نیوزی لینڈ کے جیف کرو میچ ریفری ہونگے۔ پاکستان اور انگلینڈ کے درمیان 4 ون ڈے میچز پر مشتمل سیریز کا تیسرا میچ 18 فروری کو دبئی انٹرنیشنل کرکٹ اسٹیڈیم جبکہ چوتھا اور آخری میچ 21 فروری کو دبئی میں ہی کھیلا جائے گا۔ پاکستان اور انگلینڈ کے درمیان 3 ٹی ٹوئنٹی میچز پر مشتمل سیریز کا پہلا میچ 23 فروری کو دبئی‘ دوسرا میچ 25 فروری کو دبئی جبکہ تیسرا میچ 27 فروری کو ابوظہبی میں کھیلا جائے گا۔
مزید خبریں :
پرتھ ٹیسٹ میں سنچری:کوہلی نے سر ڈون بریڈمین کو پیچھے چھوڑ دیا
25 نومبر ، 2024
رشبھ پنت آئی پی ایل کی تاریخ کے مہنگے ترین کھلاڑی بن گئے
25 نومبر ، 2024
