اسلام آباد میں یادگار قائداعظم پر نیم عریاں فوٹو شوٹ کا مقدمہ درج

اسلام آباد میں یادگار قائداعظم کے مقام پر نیم عریاں فوٹو شوٹ کا مقدمہ درج کرلیا گیا۔

اسلام آباد کے تھاناکورال نے مقدمہ شہری راشد ملک کی مدعیت میں درج کیا ہے۔ ایف آئی آر کے متن کے مطابق لڑکے اور لڑکی نے قائداعظم کے پورٹریٹ کےسامنےغیراخلاقی تصاویر بنائیں اور ان تصاویر کو سوشل میڈیا پر بھی وائرل کیا گیا۔

اسلام آباد میں ’متنازع‘ فوٹو شوٹ، سوشل میڈیا پر نئی بحث چھڑگئی

سوشل میڈیا پر وائرل تصویر اسلام آباد کے یادگارِ قائد اعظم کے مقام کی ہے

خیال رہے کہ گزشتہ روز سوشل میڈیا پر ایک تصویر وائرل ہو ئی تھی جس میں لڑکی اور لڑکے نے نیم عریاں لباس پہن رکھا تھا۔

سوشل میڈیا پر وائرل تصویر اسلام آباد کے یادگار قائد اعظم کے مقام کی تھی۔

سوشل میڈیا صارفین نے نیم عریاں لباس میں فوٹو شوٹ پر سخت تنقید کی اور کارروائی کا مطالبہ کیا تھا۔