05 اگست ، 2021 
کراچی میں ٹینکر نے ریورس آتے ہوئے دو سگے بھائیوں کو کچل دیا
05 اگست ، 2021
کراچی کے علاقے نیو کراچی میں واٹر ٹینکر کی زد میں آکر موٹر سائیکل سوار ایک بچہ اور ایک نوجوان جاں بحق ہو گئے، دونوں سگے بھائی تھے۔
حادثہ نیوکراچی سیکٹر 11 جے میں صبح کے وقت پیش آیا۔ گلی میں کھڑے واٹر ٹینکر کے ڈرائیور نے پیچھے دیکھے بغیر تیزی سے ریورس کیا جس کے پاعث عقب میں موجود موٹر سائیکل پر سوار تین سالہ بلال اور 18 سالہ حمزہ موقع پر جاں بحق ہوگئے، دونوں سگے بھائی تھے۔
پولیس نے ٹینکر کو قبضے میں لے کر ڈرائیور کو حراست میں لے لیا ہے۔
شکیل نامی ڈرائیور کی عمر 18سال ہے اور اُس کے پاس ڈرائیونگ لائسنس بھی نہیں تھا۔
پولیس کا کہنا ہے کہ مقدمے کے اندراج کیلئے ورثا کا انتظار کررہے ہیں، اگر اہلخانہ کسی وجہ سے نہ آسکے تو سرکار کی مدعیت میں مقدمہ درج کرلیا جائے گا۔
