30 اگست ، 2021 
پاکستان
ملزمان گھروں سے بھاگے ہوئے ہیں اور گزر بسر کیلئے چوری کی وارداتیں کرتے تھے، پولیس— فوٹو:فائل
کراچی، گھروں میں چوری کرنے والے کم عمر 3 ملزمان گرفتار
30 اگست ، 2021
کراچی کے علاقے ابراہیم حیدری سے گھروں میں چوری کرنے والے کم عمر تین ملزمان کو گرفتار کرلیا گیا۔
پولیس کے مطابق ابراہیم حیدری کے علاقے سے گھروں میں چوری کی وارداتیں کرنے والے نو عمر ملزمان کا گروہ گرفتارکیا گیا، گرفتار تین ملزمان کی عمریں 15 سے 17 سال کے درمیان ہیں۔
پولیس نے بتایا کہ گرفتار ملزمان موٹر سائیکل اورموبائل چوری میں بھی ملوث تھے جبکہ ملزمان سے چوری شدہ موبائل فونز اور موٹر سائیکل بھی برآمد کی گئی۔
پولیس کے مطابق ملزمان گھروں سے بھاگے ہوئے ہیں اور گزر بسر کیلئے چوری کی وارداتیں کرتے تھے۔
پولیس کا کہنا ہے کہ گرفتار ملزمان نے ابراہیم حیدری، ملیر اورکورنگی میں گھروں میں چوریاں کرنے کا بھی اعتراف کیا۔
