11 ستمبر ، 2021 
پاکستان
فراڈیوں نے قومی ہیروز کو بھی نہ بخشا، طلحہ طالب سے لاکھوں روپے ہتھیالیے
11 ستمبر ، 2021
فراڈيوں نے قومی ہیروز کو بھی نہیں بخشا اور وفاقی وزیر کا پرسنل اسٹاف بن کر اولمپئن سے لاکھوں روپے ہتھیالیے۔
فراڈیوں نے وفاقی وزير کا پرسنل اسٹاف بن کر کوہ پیما شہروز کاشف اور اولمپئن طلحہ طالب سے ٹیلی فون پر رابطے کیے، انہیں حکومت کی طرف سے گاڑی تحفے میں دیے جانے کی خوشخبری سنائی۔
فراڈیوں نے کار گفٹ کے نام پر طلحہ طالب سے 3 لاکھ 60 ہزار روپے ہتھیالیے۔
جب کہ شہرز کاشف کے والد کاکہنا ہے کہ ان سے 2 لاکھ 85 ہزار روپے جمع کروانے کا کہا گيا۔
طلحہ طالب کے والد نے درخواست وزیر اعظم سٹیزن پورٹل پرشکایت کردی جب کہ شہروز کاشف کے والد نے ایف آئی اے سے رابطہ کیا ہے۔
