19 ستمبر ، 2021 
پاکستان
40 بسوں کے ساتھ "فین شن" جہاز پاکستان پہنچا ہے: پورٹ حکام. فوٹو: فائل
گرین لائن منصوبے کی بسوں سے لدا بحری جہاز پاکستان پہنچ گیا
19 ستمبر ، 2021
کراچی: گرین لائن منصوبے کی بسوں سے لدا بحری جہاز پاکستان پہنچ گیا ہے۔
حکام کے مطابق 40 بسوں کے ساتھ "فین شن" بحری جہاز پاکستان پہنچا ہے۔
حکام کا بتانا ہے کہ 40 بسوں کی دوسری کھیپ اکتوبر کے پہلے ہفتے پاکستان پہنچے گی۔
خیال رہے کہ چند روز قبل وفاقی وزیر برائے منصوبہ بندی اسد عمر نے اعلان کیا تھا کہ جلد ہی 40 گرین لائن بسیں پاکستان پہنچ جائیں گی۔
گرین لائن بس منصوبہ 2016 میں شروع ہوا تھا اور اسے ایک سال میں مکمل ہونا تھا تاہم تاحال اس منصوبے پر کام جاری ہے۔
گذشتہ دنوں گورنر سندھ عمران اسماعیل نے اکتوبر میں گرین لائن منصوبے کے افتتاح کا دعویٰ کیا تھا۔
