21 ستمبر ، 2021 
عالمی روڈ سائیکلنگ چیمپئن شپ، پاکستانی خواتین آخری 2 پوزیشنز پر رہیں
21 ستمبر ، 2021
بیلجیئم کے شہر فلینڈرز میں جاری عالمی روڈ سائیکلنگ چیمپئن شپ میں پاکستان کی خواتین سائیکلسٹس آخری دو پوزیشنز پر رہیں۔
تاہم دونوں کھلاڑیوں نے ریس کے دوران اپنے کیرئیر کی بہترین رفتار کا مظاہرہ کیا۔
عالمی روڈ سائیکلنگ چیمپئن شپ میں پاکستانی خواتین انفرادی ٹائم ٹرائلز میں آخری 2 پوزیشنز پر رہیں۔
ایونٹ میں مجموعی طور پر 49 سائیکلیسٹس نے ریس میں حصہ لیا، 30.3 کلو میٹرز کا فاصلہ پاکستان کی کنزہ ملک نے 35.7 کی اوسط اسپیڈ سے50 منٹ، 54.7 سیکنڈز میں طے کیا۔
یہ کنزہ کے کیریئر کی انفرادی بہترین اسپیڈ ہے، اس سے قبل ان کی اس فاصلے میں بہترین اوسط اسپیڈ34.2 تھی۔
کنزہ مجموعی طور پر48 ویں نمبر پر رہیں وہ پہلے نمبر پر آنے والی سائیکلسٹ سے 16 منٹ 4.84 سیکنڈز رہیں۔
پاکستان کی دوسری سائیکلسٹ عاصمہ جان نے فاصلہ 51 منٹ، 49.31 سیکنڈز میں طے کیا جب کہ ان کی اوسط اسپیڈ 35 رہی۔
عاصمہ کی اس سے قبل اوسط اسپیڈ 30.6 تھی جب کہ عاصمہ چیمپئن شپ میں آخری یعنی 49 ویں پوزیشن پر رہیں۔
یہ پہلا موقع تھا جب عالمی سائیکلنگ چیمپئن شپ میں پاکستانی خواتین بھی شریک ہوئیں۔
دونوں سائیکلسٹس کا کہنا ہے کہ ایونٹ میں شرکت سے بہت کچھ سیکھنے کو ملا۔
مزید خبریں :
پرتھ ٹیسٹ میں سنچری:کوہلی نے سر ڈون بریڈمین کو پیچھے چھوڑ دیا
25 نومبر ، 2024
رشبھ پنت آئی پی ایل کی تاریخ کے مہنگے ترین کھلاڑی بن گئے
25 نومبر ، 2024
پرتھ ٹیسٹ میں بھارت نے آسٹریلیا کو 295 رنز سے شکست دیدی
25 نومبر ، 2024
