21 ستمبر ، 2021 
پاکستانی پرچم کی بے حرمتی کرنے والوں کی گرفتاری کا حکم دے دیا، طالبان ترجمان
21 ستمبر ، 2021
طالبان کے ترجمان اور نائب وزیر اطلاعات ذبیح اللہ مجاہد نے امدادی سامان لیکر جانے والے ٹرک سے پاکستانی پرچم اتارنے پر افسوس کا اظہار کیا ہے۔
ذبیح اللہ مجاہد کا کہنا تھاکہ جس نے طورخم پر پاکستانی امدادی سامان کی گاڑی سے پاکستانی قومی پرچم اتار کر اس کی بے حرمتی کی ہے، ان کی گرفتاری اور غیر مسلح کرنے کا حکم جاری کردیا گیا ہے۔
ان کا کہنا تھاکہ یہ ایک افسوسناک واقعہ ہے کیونکہ یہ امدادی سامان کی گاڑی تھی۔
انہوں نے مزید کہا کہ ‘اس واقعے پر ہمیں بڑا دکھ ہوا ہے، تمام رہنماؤں نے اس پر افسوس کا اظہار کیا ہے، آئندہ اس طرح کے واقعات کی روک تھام کی جائے گی‘۔
خیال رہے کہ پاک افغان سرحد طورخم پر طالبان جنگجوؤں کی جانب سے امدادی سامان لیکر جانے والے ٹرک سے پاکستانی پرچم اتارنے کا واقعہ پیش آیا ہے۔
واقعے کی ویڈیو سوشل میڈیا پر تیزی سے وائرل ہورہی ہے جس میں دیکھا جاسکتا ہے کہ جنگجوؤں نے ٹرک سے پاکستانی پرچم اتار دیا تھا اور پھر نعرے بازی کی تھی۔
اس واقعے پر سوشل میڈیا صارفین نے شدید غم و غصے کا اظہار کیا ہے۔
مزید خبریں :
سابق بھارتی وزیراعظم من موہن سنگھ 92 برس کی عمر میں چل بسے
26 دسمبر ، 2024
اسرائیلی فوج نے غزہ کو ہتھیاروں کی تجربہ گاہ بنادیا
26 دسمبر ، 2024
چین تبت میں دنیا کا پہلا سپر ڈیم تعمیر کرنے کیلئے تیار
26 دسمبر ، 2024
