15 فروری ، 2012 
کوئٹہ میں ٹرینوں کی آمد میں تاخیر کا سلسلہ جاری
15 فروری ، 2012
کوئٹہ…اندرون ملک سے کوئٹہ آنیوالی ٹرینوں کی آمدمیں تاخیر کا سلسلہ ختم نہ ہوسکا،سخت سردی میں رات گئے ٹرینوں کی آمد سے مسافر پریشان ہوکر رہ گئے ۔ریلوے انکوائری کے مطابق گذشتہ روز اندرون ملک سے کوئٹہ آنے والی جعفر ایکسپریس اور کوئٹہ ایکسپریس چھ سے آٹھ گھنٹے کی تاخیر سے رات گئے کوئٹہ پہنچیں، ان ٹرینوں کی آمد میں تاخیر کی وجہ سے ان کی روانگی میں بھی تاخیر ہوئی اور تینوں ٹرینیں نصف سے ایک گھنٹے تاخیر سے روانہ ہوئیں۔جبکہ ریلوے انکوائری کے مطابق راولپنڈی سے آنے والی جعفر ایکسپریس،پشاورسے آنے والی کوئٹہ ایکسپریس اورکراچی سے آنے والی بولان میل کی آمدمیں پانچ سے سات گھنٹے سے زائدکی تاخیرمتوقع ہے۔ریل گاڑی کی تاخیر سے آمدکے باعث رات گئے شدید سردی میں مسافروں اور لینے کیلئے آنے والے افراد کو مشکلات کاسامناہے ۔دوسری جانب ریلوے حکام ٹرینوں کی آمد میں تاخیرکی وجہ ریلوے انجنز کی کمی کوقراردیتے ہیں۔
مزید خبریں :
کراچی میں آئندہ 24 گھنٹوں میں موسم کیسا رہے گا؟
3 گھنٹے پہلے
ملک کے آلودہ ترین شہروں میں سکھر سرفہرست رہا
4 گھنٹے پہلے
