امید ہے پنڈورا پیپرز کی تحقیقات سے شفافیت کے نئے راستے کھلیں گے، فواد چوہدری

وفاقی وزیر اطلاعات و نشریات فواد چوہدری نے نامور شخصیات کے مالی امور پر مشتمل دنیا کی سب سے بڑی تحقیقات ’پنڈورا پیپرز‘ پر ردعمل کا اظہار کیا ہے۔

وزیراعظم عمران خان کی کوئی آف شور کمپنی نہیں، شہباز گل

بیرون ملک کمپنی رجسٹر کرانے والے کا تعلق عمران خان سے جوڑنے کی کوششیں کی جارہی ہیں، زمان پارک میں دو گھروں کا ایک جیسا ایڈریس ہے، معاون خصوصی

فواد چوہدری کا کہنا تھاکہ پاناما پیپرز نے دنیا کے بڑے کرپٹ لوگوں کے بیرون ملک چھپائے اثاثوں کو بے نقاب کیا، امید ہے پنڈورا پیپرز کی تحقیقات سے شفافیت کے نئے راستے کھلیں گے اور کرپشن کی حوصلہ شکنی کی وجہ بنیں گے۔

ان کا کہنا تھاکہ وزیراعظم عمران خان نے امیر ملکوں پر زور دیا کہ غریب ملکوں سے چُرایا گیا پیسہ امیر ملکوں میں چھپانے کی حوصلہ شکنی ہونی چاہیے۔

وفاقی وزیر کا کہنا تھاکہ پنڈورا پیپرز میں یہ تفصیلات آتی ہیں تو عمران خان کے مؤقف کو مزید تقویت ملے گی۔

خیال رہے کہ نامور شخصیات کے مالی امور پر مشتمل دنیا کی سب سے بڑی تحقیقات ’پنڈورا پیپرز‘ مکمل ہو گئی ہیں۔

‘پنڈورا پیپرز’ میں پاناما پیپرز سے زیادہ پاکستانیوں کے نام شامل ہیں جبکہ یہ تحقیقات آج رات پیش کی جائیں گی۔