بیٹےکیخلاف جھوٹی خبر چلانے والے چینل نے معافی نہ مانگی تو عدالت جائیں گے، مریم

مسلم لیگ ن کی نائب صدر مریم نواز نے اپنے صاحبزادے جنید صفدر کے نام آف شور کمپنیوں کی 'غلط' خبر چلانے پر نجی چینل کے خلاف قانونی چارہ جوئی کا اعلان کردیا۔

 ایک بیان میں مریم نواز کا کہنا تھا کہ جنید صفدر کےخلاف جھوٹی خبرپرچینل نےفوری معافی نہ مانگی توعدالت جاؤں گی۔

مریم نواز کا کہنا تھا کہ چینل کے خلاف ہرجانےکا مقدمہ کروں گی، اگر خبر  یوکے ڈیسک نے نشرکی تو برطانیہ میں مقدمہ کروں گی۔

دوسری جانب  جنید صفدر نے بھی اپنے نام  آف شورکمپنی ہونے کی خبر چلانے والے چینلز کے خلاف قانونی کارروائی کا اعلان کیا ہے۔

جنید صفدر کا آف شورکمپنی ہونے کی خبر چلانے والے چینلز کیخلاف قانونی کارروائی کا اعلان

قانونی چارہ جوئی کے سلسلے میں اپنے وکیل کو ہدایت جاری کردی ہیں، مریم نواز کے بیٹے کا بیان

جنید صفدر کا کہنا تھا کہ قانونی چارہ جوئی کے سلسلے میں اپنے وکیل کو ہدایت جاری کردی ہیں، میری کوئی آف شورکمپنی نہیں، میں طالب علم ہوں اور میرا صرف ایک بینک اکاؤنٹ ہے۔

 پنڈورا پیپرز پر تحقیق کرنے والے صحافی عمر چیمہ نے  بھی جنید صفدر سمیت شریف خاندان کے کسی بھی فرد کا نام پیپرز میں ہونے کی تردید کی ہے۔