17 نومبر ، 2021 
پاکستان
لیاری ماما ہوٹل کے قریب گھر میں ہونے والے دھماکے میں خاتون اور بچوں سمیت 7 افراد زخمی ہوئے: پولیس۔ فوٹو: اسکرین گریب
کراچی: لیاری میں گھر میں گیس بھر جانے سے دھماکا، ایک شخص جاں بحق
17 نومبر ، 2021
کراچی کے علاقے لیاری میں ماما ہوٹل کے قریب گھر میں گیس بھرنے سے دھماکے میں ایک شخص جاں بحق اور متعدد زخمی ہو گئے۔
پولیس کے مطابق ماما ہوٹل کے قریب گھر میں ہونے والے دھماکے میں خاتون اور بچوں سمیت 7 افراد زخمی ہوئے۔
پولیس کا کہنا ہے کہ تمام زخمیوں کو سول اسپتال کے برنس وارڈ منتقل کر دیا گیا ہے اور دھماکے کی وجوہات کا پتہ چلانے کے لیے تحقیقات کا آغاز کر دیا گیا ہے۔
